يقـولون القمـر لأغاب يضـويله ع ديـرهـ..~

من طرف **Half of the night** الأربعاء يوليو 08, 2009 6:10 am

الاياقلب لاتشره عليه ولي متى غيره ؟
يغيب براحته خله يروح بعالم النسيان

كفاك تدور أعذار لغيابه فضها ســــــيره
تماديت بغلاه ومن تمادى بالغلا خسران

ابد مافيه بالدنيا بشر يستاهلك غــــيره
يغيب ولارجع ماكنك الا العاااااشق الولهان

انا ماقول لاماقول منت بشايف (ن) خيره
وانا ماني بقايل صاحبك وافي ولاخــــوان

يقولون القمر لاغاب يضويله على ديــره
وانا اقول الحبيب ان غاب يضويله على خلان

اجل شسباب هاالغيبه وابي شسباب تأخيره
وابي ليه الجفا ياقلب وانت بغيبته حيران

شهر واكثر ولاطرش عن غيابه معاذيره
ياليته لوتعذر بالظروف ولا يمه غلطان

تعبت ولاطراله يتصل قل علها خــيره
وش انت متعب (ن) حالك على واحد قليل احسان

يجي ميت وله لامن شكا وقته وتعزيره
وإذا قفى على وجهه حبيبك " ناقة عريمان "

أقول انه موالف له بشر خلاك تقزيره؟
واقول انك على هامش حياته مابقى لك شان

مع اللي ماله سبوق اتركه شف واحد(ن) غيره
وانا شوري عليك تلحًقه في سبعة الشيطان

ذبحك الطيب ياقلب تعذب من مقاديره
يعن كنك خفوقي خابرك ماتعرف النكران

تقاضى لعنبو جــد الغلا ماتنفع الذيره
ترى من لاتقاضى ياخفوقي هالزمن ينهان

حبيب (ن) ماصفى لك طيع شوري بدل بغيره
وانا شوري عليه تلَحقه في سبعة الشيطان

من طرف ~The Golden Boy~ الأربعاء يوليو 08, 2009 6:40 pm

.. .. ..

يقولون القمر لاغاب يضويله على ديــره
وانا اقول الحبيب ان غاب يضويله على خلان

قصيدهـ بـ قمة الروعه ..

عوافي ..

.. .. ..

يقـولون القمـر لأغاب يضـويله ع ديـرهـ..~

يقـولون القمـر لأغاب يضـويله ع ديـرهـ..~

رد: يقـولون القمـر لأغاب يضـويله ع ديـرهـ..~